தீ வைப்பு: குற்றவாளிகளை சட்டத்தின் முன்நிறுத்த வேண்டியது பொலீஸாரின் பொறுப்பாகும்: அமைச்சர் ரிஷாத்

இர்ஷாத் றஹ்மத்துல்லா: அநுராதபுரத்தில் பள்ளிவாசல் மீது மேற்கொள்ளப்பட்ட தீ வைப்பு சம்பவத்தின் பின்னணயில் உள்ளவர்களை கைது செய்து அவர்களை சட்டத்தின் முன் நிறுத்த வேண்டியது பொலீஸாரின் பொறுப்பாகும் என சுட்டிக்காட்டியுள்ள அகில இலங்கை மக்கள் காங்கிரஸின் தேசிய தலைவரும்,கைத்தொழில். வணிகத் துறை அமைச்சருமான றிசாத் பதியுதீன்,இவ்விடயத்தில் உரிய நடவடிக்கையெடுக்குமாறு பொலீஸ் அதிபரிடம் வேண்டுகோளொன்றையும் விடுத்துள்ளார்.

அநுராதபுரத்தில் பள்ளிவாசல் தீவைக்கப்பட்டது முஸ்லிம்களை பெரிதும் பாதிப்புக்குள்ளாக்கியுள்ளது.இவ்வாறான சம்பவங்கள் இனி மேலும் நடை பெறுவதற்கு இடம் கொடுக்க முடியாது.இந்த சம்பவத்துடன் தொடர்புபட்டவர்கள் எவராக இருந்தாலும்,அவர்களை கைது செய்து உரிய நடவடிக்கையெடுக்கப்பட வேண்டும் என்றும் அமைச்சர் றிசாத் பதியுதீன் பொலீஸ் மா அதிபரிடம் கேட்டுள்ளார்.

அதே வேளை இன்று(20120.10.31) காலை வடமத்திய மாகாண முதலமைச்சர் எஸ்.எம்.றன்ஜித்தை தொலைபேசியில் தொடர்பு கொண்ட அமைச்சர் றிசாத் பதியுதீன்,பள்ளிப் புனரமைப்புக்கான நடவடிக்கைகளை முன்னெடுப்பது குறித்தும் கலந்துரையாடினார்.இப்புனரமைப்பு பணிக்கு முதலமைச்சர் 5 இலட்சம் ரூபாவினை வழங்க முன்வந்துள்ளதாக அமைச்சர் றிசாத் பதியுதீன் தெரிவித்தார்.