அழிவுச் சத்தியம்: பிரதியமைச்சர் ஹிஸ்புல்லா வருகை தரவில்லை.

காத்தான்குடி செய்தியாளர்: பிரதியமைச்சர் ஹிஸ்புல்லாஹ் அழிவுச் சத்தியம் இடம்பெறவிருந்த இடத்திற்கு வருகைதரவில்லை. இது தொடர்பாக கருத்துரைத்த நல்லாட்சிக்கான மக்கள் இயக்கத்தின் ஷூறா சபை அமீர் எம்.பி.எம். பிர்தௌஸ் (நளீமி), பிரதியமைச்சர் ஹிஸ்புல்லாஹ் காத்தான்குடியில் இருந்தும் அழிவுச் சத்தியத்திற்கு சமூகமளிக்கவில்லை என தெரிவித்தார்.

காத்தான்குடி 5 ஆம் குறிச்சியில் அமைந்துள்ள ஜாமிஉல் ழாபிரீன் ஜும்ஆப் பள்ளிவாசல் வளாகத்தில் ஷூறா சபை அங்கத்தவர்கள் 40 பேர் உட்பட அவர்களின் மனைவிமார்கள், பிள்ளைகள் சகிதம் ஜும்ஆத் தொழுகை முடிந்ததிலிருந்து சுமார் பி.ப. 2.45 மணி வரை அவரின் வருகைக்காகக் காத்திருந்தோம் ஆனால் அவர் அங்கு வரவில்லை என்றும் தெரிவித்தார் .

பிரதியமைச்சர் ஹிஸ்புல்லாஹ் “தமிழீழ விடுதலைப் புலிகளின் NGO வாக செயற்படுகின்ற TRO விடமிருந்து நல்லாட்சிக்கான மக்கள் இயக்கம் ரூபா 35 இலட்சத்திற்கு மேற்பட்ட நிதியை பெற்றுக் கொண்டதாக குற்றச் சாட்டினை சுமத்தியுள்ளார். இதை தொடர்ந்தே இந்த சத்தியதிற்கான அழைப்பு விடுக்கப்பட்டது .